ԵՐԵՎԱՆ, 20 նոյեմբերի – Sputnik. Սոչիի կենտրոնում այսօր ուղևորատար ավտոբուս է այրվել։ Տեղեկությունը հայտնում է kubantv.ru–ն։ Հրդեհի պահին ավտոբուսի սրահում ուղևորներ չեն եղել։
Միջադեպը տեղի է ունեցել մոտավորապես ժամը 7։00-ին Դոնսկայա փողոցում ՝ մսի կոմբինատի դիմաց։ Սոցիալական ցանցերում հրապարակված կադրերում երևում է, որ ավտոբուսի սրահն ամբողջությամբ այրվել է։
Նախնական վարկածով՝ հրդեհը բռնկվել է շարժիչի հատվածում։
Իրավապահները պարզում են դեպքի բոլոր հանգամանքները և հրդեհի առաջացման պատճառները։