Լևոն Արոնյանն ընդամենը կես միավորով է զիջում Հնդկաստանում անցկացվող մրցաշարի առաջատարին

ԵՐԵՎԱՆ, 20 նոյեմբերի - Sputnik. Գրոսմայստեր Լևոն Արոնյանը Կալկաթայում անցկացվող «Tata Steel Chess India» միջազգային մրցաշարի 9 տուրից հետո երկրորդ տեղում է:

Հայ գրոսմայստերը 9 հնարավորից վաստակել է 6 միավոր` ինը պարտիաներում տանելով չորս հաղթանակ, կրելով մեկ պարտություն և չորս պարտիա ավարտելով ոչ-ոքի: Միայն կես միավոր է պակասում, որ նա հասնի առաջատարին՝ հնդիկ գրոսմայստեր Արջուն Էրիգայսիին։

Բլից մրցաշարին մասնակցում են 10 շախմատիստներ: Նոյեմբերի 20-21-ին շախմատիստները 18-ական պարտիա են խաղալու:

Մրցաշարը կավարտվի նոյեմբերի 21-ին: