ԵՐԵՎԱՆ, 17 նոյեմբերի – Sputnik. Նոյեմբերի 18-19-ին Երևանում տեղի է ունենալու Եվրասիական միջկառավարական խորհրդի հերթական նիստը, ինչի կապակցությամբ Հայաստան կժամանեն ԵԱՏՄ անդամ պետությունների կառավարությունների ղեկավարները: Տեղեկությունը հայտնում է ՀՀ կառավարությունը։
Նեղ, ապա ընդլայնված կազմերով նիստերում կքննարկվեն եվրասիական տարածքում ինտեգրացիոն գործընթացների զարգացմանն ու ամրապնդմանը վերաբերող մի շարք օրակարգային հարցեր:
Հիշեցնենք, որ ՀՀ արտաքին գործերի նախարարի տեղակալ Արմեն Ղևոնդյանը հոկտեմբերին հայտնել էր` Իրանի ու ԵԱՏՄ ներկայացուցիչներն առաջիկայում կհանդիպեն Հայաստանում` նոր պայմանագրի քննարկման համար։
Այսինքն` Իրանի ու ԵԱՏՄ-ի միջև 2018թ-ին Երևանում կնքված ժամանակավոր պայմանագրի ժամկետը 2022 թ-ին ավարտվում է, իսկ նոր պայմանագիրը դարձյալ նախատեսվում է քննարկել Երևանում։