ԵՐԵՎԱՆ, 17 նոյեմբերի – Sputnik. ՀՀ Մարդու իրավունքների պաշտպան Արման Թաթոյանն այսօր հեռախոսային քննարկում է ունեցել Կարմիր խաչի միջազգային կոմիտեի հայաստանյան պատվիրակության (ICRC) ղեկավարի պաշտոնակատար Միրիամ Էլ Խոլիի հետ: Տեղեկությունը հայտնում է ՀՀ մարդու իրավունքների պաշտպանը` Facebook-ի իր էջում։
Քննարկվել են ադրբեջանական կողմում նոյեմբերի 16-ին և դրանից առաջ հայտնված հայկական կողմի գերիներին առնչվող հարցեր:
Նշվում է, որ հաշվի առնելով Կարմիր խաչի միջազգային կոմիտեի մանդատը՝ այլ մանրամասներ ներկայացնել չեն կարող։
Նշենք, որ մինչև նոյեբերի 16–ի հայ–ադրբեջանական սահմանին գրանցված միջադեպերը, վերջին տվյալներով` ադրբեջանի կողմից գերության մեջ պահվող ռազմագերիների և պատանդառված քաղաքացիական անձանց ընդհանուր թիվը 40-ն է, այդ թվում՝ 37 զինծառայող և 3 քաղաքացիական անձ։
Նոյեմբերի 16–ի իրադարձությունների արդյունքում հայկական կողմի գերիների թիվը 13–ով ավելացավ։