ԵՐԵՎԱՆ, 15 նոյեմբերի – Sputnik. ՀՀ երկրորդ նախագահ Ռոբերտ Քոչարյանի և ՀՀ վարչապետ Նիկոլ Փաշինյանը երբևէ չեն հանդիպել։ Այս մասին Telegram–ի իր ալիքում հայտնել է ՀՀ երկրորդ նախագահի որդին` Լևոն Քոչարյանը` անդրադառնալով սոցցանցերում տարածվող այն լուրերին, թե Ռոբերտ Քոչարյանն ու Նիկոլ Փաշինյանը հանդիպել են։
«Ինչքան էլ դժվար է պատկերացնել, որ սրան հավատացողներ կլինեն, այնուամենայնիվ հարկ եմ համարում ասել, որ նման հանդիպում երբևէ չի եղել, միջնորդների կամ որևէ այլ ձևով շփում չի եղել»,– նշել է Լևոն Քոչարյանը։
Նա ընդգծել է, որ նման միտք երբևէ չի եղել թե՛ պատերազմից (նկատի ունի 44-օրյա պատերազմը) առաջ, թե՛ դրանից հետո։