Կապանում ՔՊ–ն ջախջախիչ պարտություն է կրել, Իջևանում` հաղթել.նախնական արդյունքներ

ԵՐԵՎԱՆ, 14 նոյեմբերի – Sputnik. Հայաստանի որոշ համայնքներում այսօր կայացած ՏԻՄ ընտրությունների արդյունքներով` իշխող «Քաղաքացիական պայմանագիր» կուսակցությունը ջախջախիչ պարտություն է կրել Սյունիքի Կապան համայնքում։ Այստեղ հաղթել է «Շանթ» դաշինքը, որի առաջին համարը Կապանի գործող քաղաքապետ Գևորգ Փարսյանն է։

Փարսյանը Facebook–ի իր էջում ներկայացրել է քվեարկության արդյունքները.

Քվեարկության արդյունքները (նախնական)

1. «Շանթ» 12745

2. ՔՊ 5268

Նշենք, որ ԿԸՀ տվյալներով` ընտրություններին մասնակցության ամենաբարձր ցուցանիշը եղել է Կապան համայնքում։

ՔՊ պատգամավոր Վահագն Ալեքսանյանի տվյալներով` Տավուշի Իջևան քաղաքում առաջատար է իրենց կուսակցությունը.

1. Քաղաքացիական պայմանագիր-80.78%

2. Հայ հեղափոխական դաշնակցություն-15.87%

3. Անվավեր- 3.35%

Ալեքսանյանի նախնական տվյալներով` Լոռիի Ստեփանավան քաղաքում ևս առաջատարը ՔՊ–ն է։

Ստեփանավան 25/8 վերջնական

1. ՔՊ-247
2. ԲՀԿ-84
3. ՀԱԿ-12

Ստեփանավան 25/7 վերջնական

1. ՔՊ-301
2. ԲՀԿ-62
3. ՀԱԿ-9

Ստեփանավան 25/12 վերջնական

1. ՔՊ-135
2. ՀԱԿ—17
3. ԲՀԿ-8

այսօր՝ նոյեմբերի 14-ին, տեղական ինքնակառավարման մարմինների ընտրություններ են Հայաստանի մի շարք համայնքներում։ ՏԻՄ համամասնական ընտրություններ են Ստեփանավան, Կապան և Իջևան քաղաքներում։ Ավագանու անդամի ընտրություններ են Կոտայքի մարզի Արզնի համայնքում և Լոռու մարզի Լերմոնտովո համայնքում։

Կապանում ընտրություններին մասնակցում են «Շանթ դաշինք» ազգայնական կուսակցությունը, որի ցուցակը ղեկավարում է Գևորգ Փարսյանը և «Քաղաքացիական պայմանագիր» կուսակցությունը, որի ցուցակը ղեկավարում է Դավիթ Դանիելյանը։

Իջևանում ընտրություններին մասնակցում են Հայ Յեղափոխական Դաշնակցություն կուսակցությունը, որի ցուցակը ղեկավարում է Վահան Ղազումյանը և «Քաղաքացիական պայմանագիր» կուսակցությունը, որի ցուցակը ղեկավարում է Արթուր Ճաղարյանը։

Ստեփանավանում ընտրություններին մասնակցում է երեք ուժ՝ «Բարգավաճ Հայաստան» կուսակցությունը, որի ցուցակը գլխավորում է Հարություն Ղարագյոզյանը, «Հայ ազգային կոնգրես» կուսակցությունը, որի ցուցակը գլխավորում է Վանո Հակոբյանը և «Քաղաքացիական պայմանագիր» կուսակցությունը, որի ցուցակը գլխավորում է Արմեն Գրիգորյանը։