ԵՐԵՎԱՆ, 14 նոյեմբերի – Sputnik. Հայտնի երգչուհի Էմմին շնորհավորել է ավագ որդուն՝ Դանիելին, 6-ամյակի կապակցությամբ։
Էմմին Instagram-ի իր էջում տեղադրել է որդու լուսանկարները և կից գրառում կատարել։
«Ծնունդդ շնորհավոր, մեր բարի և հոգատար Դանի։ Թող քեզ միշտ շրջապատեն բարի մարդիկ: Չվախենաս չարից ու դժվարություններից: Աստված է պահում բարիներին»,- գրել է երգչուհին։
Տարբեր աստղեր՝ Սուպեր Սաքոն, Հռիփսիմե Հակոբյանը, ինչպես նաև երկրպագուները մեկնաբանություններում նույնպես շնորհավորել են փոքրիկ Դանիին։
Նշենք, որ Էմմին ամուսնությունից հետո ապրում է ԱՄՆ-ում։ Երգչուհին ևս մեկ որդի ունի՝ Մարտինը, որը 4 տարեկան է։