ԵՐԵՎԱՆ, 10 նոյեմբերի – Sputnik. Հայկական ծագմամբ ռուսաստանցի թենիսիստ Կարեն Խաչանովը Հայաստանում է։ Այս մասին նա հայտնել է Instagram-ի իր էջի story բաժնում նկար հրապարակելով։
Խաչանովը մի քանի լուսանկար է տեղադրել, մասնավորապես, Հանրապետության հրապարակից, ինչպես նաև Մատենադարանից։
Կարեն Խաչանովը Տոկիոյում կայացած Օլիմպիական խաղերի արծաթե մեդալակիր է, ATP-ի մրցաշարերի տղամարդկանց մենախաղի քառակի հաղթող։ Նա նախկին ութերորդ ռակետն է մենախաղում։