ԵՐԵՎԱՆ, 8 նոյեմբերի – Sputnik. Խոշոր ավտովթար է տեղի ունեցել Վայոց Ձորի մարզում, որի հետևանքով «Գազել» մակնիշի միկրոավտոբուսը հայտնվել է ձորում, կան վիրավորներ։ Տեղեկությունը հայտնում է shamshyan.com–ը։
Նշվում է, որ այսօր, ժամը 19։45-ի սահմաններում «Գազել» մակնիշի միկրոավտոբուսը Երևան-Երասխ-Մեղրի ավտոճանապարհի 94 կմ հատվածում՝ դեպի Մեղրի ընթանալիս, դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել երկաթե արգելապատնեշներին և 70 մետր գլորվելով՝ հայտնվել ձորում։
Վթարի հետևանքով 2 մարդ մարմնական վնասվածքներով տեղափոխվել են «Եղեգնաձոր» բժշկական կենտրոն։ Վիրավորներից մեկին ձորից դուրս են բերել հրշեջ-փրկարարները և մոտեցրել շտապօգնության ավտոմեքենային։
Փաստի առթիվ նյութեր են նախապատրաստվում։
Ոստիկանությունը պարզում է վարորդի և վիրավորների ինքնությունը։