ԵՐԵՎԱՆ, 5 նոյեմբերի - Sputnik. Ըմբշամարտի Մ23 տարեկանների աշխարհի առաջնության կիսաեզրափակչում ազատ ոճային ըմբիշ Վազգեն Թևանյանը 5-4 հաշվով հաղթանակ է տարել Մոլդովայի ներկայացուցիչ Նիկոլայ Գրահմեզի նկատմամբ և դուրս եկել եզրափակիչ՝ ապահովելով առնվազն արծաթե մեդալ։
Տոկիոյի Օլիմպիական խաղերի մասնակիցը պայքարը սկսել էր որակավորման փուլից, որտեղ 3-1 հաշվով հաղթել է ԳԵրմանիայի ներկայացուցիչ Շամիլ Ուստաևին, իսկ 1/8 եզրափակչում Թևանյանը 11/2 հաշվով առավելության է հասել Ուզբեկստանի ներկայացուցչի նկատմամբ։
Քառորդ եզրափակչում Թևանյանը առավելության էր հասել Թուրքիայի ներկայացուցչի նկատմամբ։
Մանվել Խնձրցյանը և Հրաչյա Մարգարյանը կշարունակեն պայքարը բրոնզե մեդալի համար։ Արման Ավագյանը պարտվել է կիսաեզրափակչում և ևս կպայքարի բրոնզե մեդալի համար։