ԵՐԵՎԱՆ, 5 նոյեմբերի - Sputnik. Սիրիայի իշխանությունը լրացուցիչ ռազմական ուժեր է տեղափոխում Ալ-Ռակայի գավառ, որը գտնվում է քրդական ռազմականացված կազմավորումների վերահսկողության տակ։ Տեղեկությունը հայտնում է «ՄԿ»-ն՝ հղում անելով տեղական լրատվամիջոցներին:
Երկրի հյուսիսն այժմ սպասում է քրդերի դեմ Թուրքիայի զինված ուժերի հնարավոր ռազմական գործողությանը։
ԱՄՆ-ն ու Ռուսաստանը բանակցություններ են վարում Անկարայի հետ: Պենտագոնն ուժեղացնում է պարեկությունն իր ներկայության գոտում, Ռուսաստանի օդատիեզերական ուժերն ու Սիրիայի ռազմաօդային ուժերը համատեղ զորավարժություններ են անցկացնում:
Թուրքիան իր վերահսկողության տակ գտնվող գրոհայիններին ուղարկել է Ալ-Ռակայի գավառ, որտեղ քրդական ջոկատներ կան։
Վերջին մի քանի շաբաթների ընթացքում տարածաշրջանն ապրում է քրդական ռազմականացված կազմավորումների դեմ թուրքական ռազմական գործողության սպասումով։