ԵՐԵՎԱՆ, 5 նոյեմբերի - Sputnik. Ամերիկացի ռեփեր Քանյե Ուեսթը խոստովանել է, որ ուզում է վերադարձնել նախկին կնոջը`ամերիկահայ հեռուստաաստղ Քիմ Քարդաշյանին։
Քանյե Ուեսթը այս մասին ասել է «Revolt» հեռուստաալիքին տված հարցազրույցում։ Նա անդրադարձել է բազմաթիվ թեմաների, այդ թվում՝ իր ամուսնալուծությանը։
Խոսելով նախկին կնոջից՝ նա նշել է, որ ցանկանում է վերադարձնել Քիմին։ Նախկինում ռեփերը հայտարարել էր, որ Քարդաշյանների ընտանիքի անդամները խելագար են, ուստի նա չի ցանկանում նրանց հետ գործ ունենալ։ Այժմ նա ցանկանում է պահպանել ընտանիքը։
«Դա ինձ համար կատակ չէ։ Իմ երեխաները ցանկանում են, որ իրենց ծնողները միասին լինեն: Ես ուզում եմ, որ մենք միասին լինենք»,- խոստովանել է երաժիշտը ՝ պատասխանելով կնոջից բաժանվելու մասին հարցին։
Ուեսթը ցանկանում է, որ ընտանիքը վերջապես վերամիավորվի, սակայն նրա կարծիքով՝ լրատվամիջոցների հրապարակումները միայն խանգարում են իր և Քարդաշյանի հարաբերություններին։
Հիշեցնենք` Քիմ Քարդաշյանը Քանյե Ուեսթի հետ յոթ տարվա ամուսնությունից հետո 2020թ․-ի փետրվարին ապահարզանի դիմեց։ Զույգը խաղաղ բաժանվեց, ամուսնական պայմանագրի պայմանները ոչ ոք չվիճարկեց։