ԵՐԵՎԱՆ, 4 նոյեմբերի – Sputnik. ՀՀ փոխարտգործնախարար Վահե Գևորգյանն այսօր Ազգային ժողովում հայտնեց, որ Հայաստանը պետք է առաջ տանի Արցախի հարցով «Ճանաչում հանուն փրկության» թեզը։
«Հայաստան» դաշինքի պատգամավոր Արմեն Ռուստամյանն էր Գևորգյանից հետաքրքրվել, թե հաջորդ տարի ծախսեր նախատեսվո՞ւմ են նաև Արցախի միջազգային ճանաչման առումով, և արդյոք քննարկվո՞ւմ է «Ճանաչում հանուն փրկության» թեզը։
«Այն, ինչ տեղի ունեցավ արցախյան առաջին և երկրորդ պատերազմների ժամանակ, հստակ ցույց է տալիս, որ ադրբեջանական վերահսկողության ներքո արցախահայությունը չի կարող ապրել։ Դրա լավագույն ապացույցն այսօր Ադրբեջանի վերահսկողության ներքո տարածքներում հայերի իսպառ բացակայությունն է»,-ասաց Գևորգյանը։