ԵՐԵՎԱՆ, 4 նոյեմբերի – Sputnik․ Կոնֆերենցիաների լիգայի խմբային փուլի 4-րդ տուրում Երևանի «Ալաշկերտը» արտագնա խաղում մրցեց ավստրիական ԼԱՍԿ-ի հետ: Հայկական թիմը պարտվեց 0։2 հաշվով։
Առաջին խաղակեսն ավարտվեց 0։1 հաշվով։ Վերջնամասում երևանյան թիմը հնարավորություն ուներ հավասարեցնելու հաշիվը, սակայն մրցավարը չեղարկեց Ժոզե Էմբալոյի գոլը։
4 նոյեմբերի 2021, 23:36
Ավստրիական թիմի ճապոնացի հարձակվող Կեյտո Նակամուրան խաղավարտին՝ 87-րդ րոպեին, դուբլ ձևակերպեց և հաղթանակ ապահովեց իր թիմի համար։
4-րդ տուրից հետո աղյուսակը 10 միավորով գլխավորում է իսրայելական ակումբը։ ԼԱՍԿ-ը նույնպես 10 միավոր ունի իր ակտիվում, բայց գտնվում է երկրորդ տեղում։ ՀԻԿ-ը երրորդն է 3 միավորով, իսկ «Ալաշկերտը», 4 խաղից հետո չունենալով ոչ մի միավոր, եզրափակում է աղյուսակը։