Փաշինյանը ոստիկանապետի տեղակալին գործուղում է Ստամբուլ

ԵՐԵՎԱՆ, 1 նոյեմբերի – Sputnik. ՀՀ վարչապետ Նիկոլ Փաշինյանը ՀՀ ոստիկանության պետի տեղակալ Արա Ֆիդանյանին գործուղում է Թուրքիայի Հանրապետություն` Ստամբուլ։

Այս մասին տեղեկանում ենք e-gov.am կայքից։

Նա նոյեմբերի 21-26-ը մասնակցելու է Ինտերպոլի գլխավոր ասամբլեայի 89-րդ նստաշրջանին։ Ֆիդանյանը վերադառնալուց հետո եռօրյա ժամկետում Թուրքիայի Հանրապետություն գործուղման արդյունքների մասին հաշվետվությունը պետք է ներկայացնի ՀՀ վարչապետի աշխատակազմ և Հայաստանի Հանրապետության արտաքին գործերի նախարարություն: