Մեքսիկայում սպանել են լրատվական գործակալության հիմնադիրին

ԵՐԵՎԱՆ, 29 հոկտեմբերի - Sputnik. Մեքսիկայում սպանել են լրատվական գործակալության հիմնադիրին։ Անհայտ անձը հայտնի լրագրողի վրա կրակել է Մեքսիկայի հարավում։ Այդ մասին հայտնում է տեղական Heraldo de Chiapas պարբերականը։

62-ամյա Ֆրեդի Լոպես Արեվալոն հոկտեմբերի 28–ի երեկոյան վերադառնում էր տուն` Սան Կրիստոբալ դե լաս Կասաս թաղամաս։ Երբ նա բեռնախցիկից հանում էր իրերը, հանցագործը հրազենից մահացու վիրավորել է նրան, ապա փախել մոտոցիկլով։

Լոպես Արեվալոն տարբեր արտասահմանյան գործակալությունների թղթակից էր, խմբագրի պաշտոնն էր զբաղեցնում տեղական Novedades de México, Prensa Libre de Guatemala և Notimex պարբերականներում։

Արեվալոն հիմնել էր Maya Press տարածաշրջանային գործակալությունը, որը Չյապաս նահանգում տեղի ունեցող իրադարձությունների մասին ընթերցողին պատմում էր իսպաներեն, անգլերեն և ֆրանսերեն լեզուներով։