ԵՐԵՎԱՆ, 26 հոկտեմբերի – Sputnik. ՀՀ Ազգային ժողովի խորհրդի որոշմամբ` ԱԺ փոխնախագահ Հակոբ Արշակյանը ղեկավարելու է Հայաստան-Հնդկաստան և Հայաստան–Չինաստան բարեկամական խմբերը։ Տեղեկությունը նա հայտնել է Facebook-ի իր էջում։
«Ղեկավարելու եմ նաև ՀՀ ԱԺ և Ռուսաստանի Դաշնության Դաշնային ժողովի միջև համագործակցության միջխորհրդարանական հանձնաժողովը»,– նշել է Արշակյանը։
Նա ընդգծել է, որ ԱԺ գործընկերների հետ անելու է առավելագույնը՝ միջխորհրդարանական հանձնաժողովների և բարեկամական խմբերի շրջանակներում, խորհրդարանական դիվանագիտության միջոցով երկկողմ հարաբերություններ զարգացնելու և Հայաստանի շահերն առաջ մղելու համար։