ԵՐԵՎԱՆ, 26 հոկտեմբերի – Sputnik. Երևանի ավագանու «Իմ քայլը» խմբակցության նոր անդամ դարձավ Զարուհի Աղաջանյանը։ Նա վերցրել է Երևանի ավագանու «Իմ քայլը» խմբակցության արդեն նախկին ղեկավար Սուրեն Էյրամջյանի մանդատը։ Այս մասին ավագանու նիստի բացման ժամանակ հայտնեց Երևանի քաղաքապետ Հայկ Մարությանը։
Նշենք, որ Էյրամջյանը սեպտեմբերի 14–ին դիմում էր ներկայացրել ավագանու անդամի լիազորությունները դադարեցնելու մասին:
Զարուհի Աղաջանյանը Հայաստանի Խաչատուր Աբովյանի անվան մանկավարժական համալսարանի Ռոմանագերմանական լեզուների և դրանց դասավանդման մեթոդիկայի ամբիոնի դասախոս է։ Տիրապետում է հայերեն, իսպաներեն, անգլերեն և ռուսերեն լեզուներին։
Նշենք, որ այժմ«Իմ քայլը» խմբակցության ղեկավարն է Արմեն Գալջյանը, քարտուղարը՝ Լևոն Հովհաննիսյանը։