ԵՐԵՎԱՆ, 25 հոկտեմբերի – Sputnik. Ռուսաստանի Դաշնությունում Հայաստանի Հանրապետության դեսպանության հյուպատոսական բաժինը կշարունակի իրականացնել քաղաքացիների ընդունելությունը նաև ոչ աշխատանքային հայտարարված օրերին։ Տեղեկությունը հայտնում է ՌԴ-ում ՀՀ դեսպանության մամուլի ծառայությունը։
«ՌԴ-ում ՀՀ դեսպանության հյուպատոսական բաժինը կշարունակի իրականացնել քաղաքացիների ընդունելությունը բնականոն ռեժիմով՝ երկուշաբթիից -ուրբաթ, ժամը 09․00-ից մինչև 12․00-ը»,–նշված է հաղորդագրության մեջ։
ՌԴ-ում ոչ աշխատանքային է հայտարարվել 2021 թվականի հոկտեմբերի 28-ից նոյեմբերի 7-ն ընկած ժամանակահատվածը։
Նման հայտարարությամբ հանդես է եկել նաև Դոնի Ռոստովում Հայաստանի գլխավոր հյուպատոսությունը: