ԵՐԵՎԱՆ, 25 հոկտեմբերի – Sputnik. Երբ «Սպուտնիկ V»-ով իբր պատվաստված մարդիկ ծանր հիվանդանում են, ուրեմն նրանք, որպես կանոն, կեղծված հավաստագրեր են գնել։ «Կոմսոմոլսակա պրավդա» թերթի հետ զրույցում այդ մասին ասել է Գամալեայի անվան Համաճարակաբանության և մանրէաբանության ազգային հետազոտական կենտրոնի տնօրեն Ալեքսանդր Գինցբուրգը։
Գիտնականը պարզաբանել է, որ հատուկ անալիզի օգնությամբ հնարավոր է ստուգել` մարդն իսկապես պատվաստվել է «Սպուտնիկով», թե ոչ։ Եվ հիվանդության ծանր դեպքերի ժամանակ արված անալիզի պատասխանը մատնանշում է, որ հավաստագրերը կեղծում են։
Մասնագետի կարծիքով՝ ծանր հիվանդացածների 80 տոկոսը, որոնք իբր պատվաստվել են, իրականում պատվաստանյութ չեն ստացել, այլ պարզապես գնել են հավաստագիրը։