ԵՐԵՎԱՆ, 23 հոկտեմբերի – Sputnik. Երևանում «Mercedes-Benz CLS» մակնիշի ավտոմեքենա է այրվել։ Տեղեկությունը հայտնում է ՀՀ արտակարգ իրավիճակների նախարարությունը։
«Ճգնաժամային կառավարման ազգային կենտրոնը հոկտեմբերի 23-ին` ժամը 00:49-ին, տեղեկություն է ստացել, որ Արցախի պողոտայում՝ օղակաձև շրջադարձի մոտակայքում, մեքենա է այրվում»,– նշված է հաղորդագրության մեջ։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 01։04-ին, մարվել՝ 01։26-ին։