ԵՐԵՎԱՆ, 21 հոկտեմբերի – Sputnik. Կորոնավիրուսային վարակի (COVID-19) արագ կանխարգելման, վերահսկման, բուժման և հաղթահարման նպատակով ՀՀ կառավարության պահուստային ֆոնդից 2 մլրդ դրամ հատկացվեց առողջապահության նախարարությանը։
Որոշումն ընդունվեց այսօր կառավարության նիստում` առանց քննարկման ու զեկուցման։
Որոշման անհրաժեշտությունը պայմանավորված է առողջապահության նախարարության բյուջետային միջոցների սղությամբ։
Գումարն ուղղվելու է վարակիչ հիվանդության` ՀՀ-ում կորոնավիրուսային վարակի (COVID-19) արագ կանխարգելման, վերահսկման, բուժման և հաղթահարման ապահովման նպատակով իրականացված միջոցառումների ծախսերին: