ԵՐԵՎԱՆ, 20 հոկտեմբերի - Sputnik. ԵԱՏՄ երկրների արտաքին առևտուրն արդեն 10 տոկոսով գերազանցել է նախաճգնաժամային մակարդակը։ Տեղեկությունը ճեպազրույցի ժամանակ հայտնել է Եվրասիական տնտեսական հանձնաժողովի պաշտոնական ներկայացուցիչ Իյա Մալկինան։
2021 թվականի հունվար-օգոստոս ամիսներին երրորդ երկրների հետ ԵԱՏՄ երկրների արտաքին ապրանքաշրջանառությունը կազմել է 522 մլրդ դոլար, ինչը մոտավորապես 10 տոկոսով գերազանցում է նախաճգնաժամային 2018 թվականի հունվար-օգոստոս ամիսների ցուցանիշը: Ընդ որում՝ արտահանումն աճել է 38,5, ներմուծումը՝ 24,5 տոկոսով։ Նախորդ տարվա համեմատ (հունվար-օգոստոս) է 9 տոկոսով ավելացել է նաև ԵԱՏՄ ֆոնդային շուկաներում առևտրի ծավալը` հասնելով 3,6 տրիլիոն դոլարի:
Հիմնականում նավթամթերք ու թանկարժեք մետաղներ են վաճառվել։
Հայաստանում, Բելառուսում ու Ղազախստանում օտարերկրյա ուղղակի ներդրումների հոսքն աճել է։ 2021 թվականի առաջին կիսամյակում դրանք ընդհանուր առմամբ կազմել են գրեթե 15 միլիարդ դոլար: