ԵՐԵՎԱՆ, 18 հոկտեմբերի - Sputnik. Հայ-ռուսական միջտարածաշրջանային 8-րդ համաժողովին մասնակցելու նպատակով Հայաստան այցելած հյուրերից շատերն առաջին անգամ էին այստեղ, բայց այն, ինչ տեսան նրանք, «ստիպում» է վերադառնալ:
ՌԴ սենատոր Նատալյա Կոսիխինան համաժողովի ռուսական խմբի կազմում առաջին անգամ է Հայաստանում, սակայն նունիսկ մեկ օրը բավական է Հայաստանին սիրահարվելու համար:
Ռուսական պատվիրակության բեյջերը
© Sputnik / Armenuhi Mkhoyan
«Այն, ինչ Հայաստանում տեսա մեկ օրվա ընթացքում, առիթ է նորից վերադառնալու։ Մեկ օրում այսքան էմոցիա՝ անբացատրելի է: Արդեն վաղը մեկնում եմ, բայց արդեն իսկ հաջորդ այցի համար ծրագրում եմ իմ այցը Հայաստան՝ ընտանիքով ու երկարաժամկետ: Հրաշալի երկիր է, հրաշալի մարդիկ, ճարտարապետությունը, բնությունը՝ իրոք միայն բարի ու դրական էներգետիկա ես ստանում»,-Sputnik Արմենիայի հետ զրույցում նշեց Նատալյա Կոսիխինան:
Նա Հայաստան է եկել գիտության, մշակույթի ու կրթության հանձնաժողովի կազմում՝ կրթական ու մշակութային հաստատությունների հետ ռուսաց լեզվի զարգացմանն ուղղված հնարավոր համագործակցության նպատակով՝ առկա ներուժին ծանոթանալու համար: