ԵՐԵՎԱՆ, 16 հոկտեմբերի - Sputnik. Հայ գեղասահորդներ Թինա Կարապետյանը և Սիմոն Պրու Սենեկալը Հունգարիայի մայրաքաղաքում անցկացված «Բուդապեշտ տրոֆի» միջազգային մրցաշարում առաջին տեղն են գրավել։
Պարային զույգը երկու ելույթի արդյունքում (պարտադիր և ազատ ծրագիր) 181,05 միավոր է հավաքել:
Երկրորդ տեղում լիտվացի զույգն է՝ Էլիսոն Ռիդն ու Սաուլյուս Ամբրուլևիչուսը (181,01):
Գեղասահքի միջազգային մրցաշարում ուժեղագույնների եռյակում են ռուսաստանցիներ Ելիզավետա Շանաևան ու Դևիդ Նարիժնին(174,90):