ԵՐԵՎԱՆ, 14 հոկտեմբերի - Sputnik. Հայաստանի վարչապետ Նիկոլ Փաշինյանը Եվրասիական բարձրագույն տնտեսական խորհրդի (SEEC) առցանց հանդիպման ժամանակ խոսեց ԵԱՏՄ ներքին շուկան արտաքին տնտեսական ճնշումներից պաշտպանելու անհրաժեշտության մասին:
«Այսօր Միության ներքին շուկան պաշտպանելու հարցն արդիական է հատկապես երրորդ կողմերի տնտեսական ճնշման հետևանքով առաջացող բացասական ազդեցությունների պարագայում», - ասաց Փաշինյանը:
Այս համատեքստում ՀՀ վարչապետը կարևորեց արագ արձագանքման միջոցառումների մշակումը ինչպես եվրասիական, այնպես էլ տարածաշրջանային ցանկացած այլ ինտեգրման օրակարգում:
«Հայաստանը պատրաստ է սերտորեն համագործակցել` այս հարցում ընդհանուր մոտեցման մշակման ուղիներ գտնելու համար՝ հաշվի առնելով ԵԱՏՄ անդամ երկրների փորձը», - նշեց ՀՀ վարչապետը:
ԵԱՏՄ-ն միջազգային ինտեգրացիոն տնտեսական միավորում է, որը ստեղծվել է Մաքսային միության և Միասնական տնտեսական տարածքի հիման վրա և գործում է 2015 թվականի հունվարի 1-ից: Այժմ ԵԱՏՄ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։