ԵՐԵՎԱՆ, 14 հոկտեմբերի – Sputnik. ՀՀ մարդու իրավունքների պաշտպան Արման Թաթոյանի աջակցությամբ անօթևան քաղաքացին տեղափոխվել է տուն-ինտերնատ։ Տեղեկությունը հրապարակվել է ՄԻՊ–ի ֆեյսբուքյան էջում։
«Քաղաքացին տեղեկացրել է, որ ունի 3-րդ խմբի հաշմանդամություն, անօթևան է, չունի դրամական միջոցներ դեղեր, կացարան ձեռք բերելու համար: Դիմումն ընդունվել է քննարկման, և գրություններ են ուղարկվել իրավասու մարմիններին: Արդյունքում օգոստոսի 26-ից քաղաքացին բնակվում է Հայաստանի տուն-ինտերնատներից մեկում»,- գրել է նշված է հաղորդագրության մեջ։