ԵՐԵՎԱՆ, 13 հոկտեմբերի - Sputnik. ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ բանակցություններն արդյունավետ է գնահատել։
«Այսօր հանդիպեցի ՌԴ նախագահ Վլադիմիր Պուտինի հետ։Հանդիպումը բավական արդյունավետ էր։ Քննարկեցինք ինչպես երկկողմ օրակարգը, այնպես էլ իրավիճակը տարածաշրջանում։ Կշարունակենք շփումները՝ ձեռք բերված պայմանավորվածությունները կյանքի կոչելու համար»,-գրել է ՀՀ վարչապետը Twitter-ում։
Հիշեցնենք` ՀՀ վարչապետ Նիկոլ Փաշինյանը հոկտեմբերի 12-ին աշխատանքային այցով մեկնել է Ռուսաստանի Դաշնություն։
Նախատեսվում էր, որ Մոսկվայում տեղի ունեցող հանդիպմանը Նիկոլ Փաշինյանը և Ռուսաստանի Դաշնության նախագահ Վլադիմիր Պուտինը քննարկելու են 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների կատարման ընթացքը, տարածաշրջանում կայունության ամրապնդման, տնտեսական կապերի վերականգնման հետագա քայլերին ու տեղի ունեցող զարգացումներին վերաբերող հարցեր։