ԵՐԵՎԱՆ, 12 հոկտեմբերի – Sputnik. ԱՊՀ մասնակից պետությունների անվտանգության մարմինների ղեկավարները կայցելեն Մոսկվա՝ մասնակցելու խորհրդակցության: Ինչպես հաղորդում է ՌԻԱ Նովոստին, Ռուսաստանի նախագահ Վլադիմիր Պուտինը հոկտեմբերի 13-ին նրանց հետ առցանց հանդիպում կանցկացնի:
Բացի Ռուսաստանի արտաքին հետախուզության ծառայության ղեկավար Սերգեյ Նարիշկինից, հանդիպմանը ներկա կլինեն Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի պատվիրակությունների ղեկավարները: