ԵՐԵՎԱՆ, 12 հոկտեմբերի – Sputnik. ՀՀ վարչապետ Նիկոլ Փաշինյանն առողջապահության նախարար Անահիտ Ավանեսյանին հոկտեմբերի 13-15-ը գործուղում է Ռուսաստանի Դաշնություն՝ Սանկտ Պետերբուրգ։ Փաշինյանի որոշումը հրապարակվել է ՀՀ կառավարության կայքում։
«Անահիտ Ավանեսյանը Սանկտ Պետերբուրգում կմասնակցի Կանանց երրորդ եվրասիական համաժողովին»,- նշված է որոշման մեջ։
Նախարարը գործուղումից վերադառնալուց հետո եռօրյա ժամկետում արդյունքների մասին պետք է հաշվետվություն ներկայացնի ՀՀ վարչապետի աշխատակազմին և ՀՀ արտաքին գործերի նախարարությանը։
Հիշեցնենք, որ Կանանց երկրորդ եվրասիական համաժողովը կայացել է 2018 թվականին, որին մասնակցել է նաև ՀՀ վարչապետի տիկին Աննա Հակոբյանը։ Առաջին համաժողովն էլ տեղի է ունեցել 2015 թվականին։ ՀՀ պատվիրակությունը Սանկտ Պետերբուրգ էր մեկնել ՀՀ ԱԺ նախկին փոխնախագահ Հերմինե Նաղդալյանի գլխավորությամբ։