ԵՐԵՎԱՆ, 11 հոկտեմբերի – Sputnik. Արցախում ռուսական խաղաղապահ զորախմբի զինծառայողներն ապահովել են ուխտավորների անվտանգ այցելությունը Ամարաս վանական համալիր, հաղորդում է Ռուսաստանի պաշտպանական գերատեսչությունը:
«Այս համալիր ուխտավորներ են գալիս ամբողջ Լեռնային Ղարաբաղից և Հայաստանից։ Տվյալ վայրը սրբազան է համարվում հավատացյալ շատ հայերի համար։ Խաղաղապահ զորակազմը համալիրի տարածքում է գտնվում անվտանգության ապահովման նպատակով՝ անհարկի սադրանքներից կամ հակամարտության վերսկսման փորձերից խուսափելու համար։ Համալիրը գտնվում է սահմանազատման գծի մոտ, ուստի կոնֆլիկտներից խուսափելու համար այստեղ անհրաժեշտ է ռուսական խաղաղապահ զորակազմի ներկայությունը»,-ասել է ռուսական խաղաղապահ զորակազմի ներկայացուցիչ Ալեքսանդր Միրոնովը։
Ռուս խաղաղապահներն ուխտավորներին կիրակնօրյա պատարագի են ուղեկցել՝ Ստեփանակերտից Մարտունու շրջան և հակառակ ուղղություններով։
«Մենք եկել ենք Աստծուն աղոթելու, որպեսզի Աստված ամեն հարցում մեզ հետ լինի և որպեսզի խաղաղություն լինի, պատերազմ չլինի։ Եթե չլինեին մեր եղբայր ռուսները, մենք չէին կարողանա անվտանգ գալ այստեղ, մենք գիտենք։ Ես ամեն շաբաթ գալիս եմ այստեղ, մեր եկեղեցական համայնքի հետ միասին, հավաքվում ենք և աղոթում։ Շատ շնորհակալ եմ ռուս խաղաղապահներին, որ մենք ազատ, առանց վախի քայլում ենք այս հողում։ Մենք գիտենք՝ Աստված է նրանց ուղարկել, որպեսզի մենք չվախենանք»,-ասել է Ամարասի ուխտավոր Լաուրա Մագասարյանը։
Ամարասն Արցախի վաղ միջնադարյան հայկական վանական համալիրներից մեկն է: 2020-ի նոյեմբերի 9-ի Եռակողմ համաձայնագրի ստորագրման արդյունքում վանքը մնացել է շփման գծին շատ մոտ՝ Ռուսաստանի խաղաղապահների պատասխանատվության գոտում: Վանք այցելող ուխտավորների անվտանգտեղաշարժն ապահովում են ռուս խաղաղապահ ուժերը։