ԵՐԵՎԱՆ, 11 հոկտեմբերի -Sputnik. Յոգուրտը լավագույն սննդամթերքն է աղիների կարգավորման համար։ Այս մասին ՌԻԱ Նովոստիին տված հարցազրույցում ասել է սննդաբան Նատալյա Քուշնիրը։
Ինչպես նշել է մասնագետը, դրա մեջ պարունակվող լակտոն և բիֆիդոբակտերիաները նորմալացնում են աղիների աշխատանքը և մարսողությունն ընդհանուր առմամբ:
«Յոգուրտը ձեզ կտա դյուրամարս սպիտակուցի չափաբաժին։ Կան տարբեր յոգուրտներ` քաղցր, թթու, բնական` ճարպի պարունակության տարբեր տոկոսներով: Հավելումներով յոգուրտների մասին նույնը չի կարելի ասել, քանի որ դրանք շատ ածխաջրեր են պարունակում», - ասել է Կուշնիրը:
Նա խորհուրդ է տվել գնել բնական կամ հունական յոգուրտ. ցանկալի է երեկոյան յոգուրտի հետ ուտել մի բուռ (մոտ 10 գրամ) թեփ։
Հարցին, թե որքան հաճախ կարելի է կիրառել այդ մթերքը, մասնագետը ասել է, որ դա կախված է նաև օրգանիզմի արձագանքից։
Յոգուրտները, բացի պրոբիոտիկներից, պարունակում են մեծ քանակությամբ վիտամիններ և միկրոէլեմենտներ։ Դրանց կիրառման օրական նորմ գոյություն ունի, որին շատերը չեն հետևում, ինչը սխալ է։
Մասնավորապես, ինչպես նշել է դիետոլոգը, յոգուրտը հարուստ է կալցիումով, իսկ դա կարևոր է առողջ ոսկորներ, ատամներ և եղունգներ ունենալու համար: Յոգուրտի բաղադրության մեջ առկա B խմբի վիտամինները, ֆոսֆորը, մագնեզիումը դրականորեն են ազդում արյան շրջանառության, անոթների ամրության, սրտի աշխատանքի վրա:
Այս օգտակար սննդամթերքը նաև նվազեցնում է արյան մեջ խոլեստերինի մակարդակը: Բացի այդ, յոգուրտի ամենօրյա օգտագործումը կայունացնում է արյան ճնշումը։
Ինչպես ընդգծել է դիետոլոգը, յոգուրդը շատ օգտակար այն մարդկանց համար, ովքեր ցանկանում են կարգավորել քաշը: Այն պարունակում է ֆերմենտներ, որոնք օգնում են լավ մարսել սնունդը:
Այս ամենը ապացուցում են, որ յոգուրդ կարելի է օգտագործել ամեն օր, բայց պետք է ընտրել առանց ներկանյութերի, կոնսերվանտների, համային հավելումների յոգուրտները։