Անցնող շաբաթվա ընթացքում քաղաքական դաշտում ամենաքննարկվող թեմաներից էր ՀՀ երկրորդ նախագահ Ռոբերտ Քոչարյանի մամուլի ասուլիսը։ Նախագահը խոսեց Ռուսաստանին միավորվելու կամ անկախ մնալու հեռանկարների մասին, անդրադարձավ այն հարցին, թե ինչու է Փաշինյանը շտապում ներքին կոմունիկացիաների բացման հարցում՝ նշելով, որ «շտապում է, որովհետև պամպերսային իրավիճակում է»։
ՀՀ երկրորդ նախագահը նաև տեղեկացրեց, որ իր ղեկավարած քաղաքական ուժը նաև փողոցային պայքար է ծավալելու, աշխատելու է ժողովրդի հետ՝ Հայաստանով մեկ։
Հայաստանի Հանրապետության 30-ամյա պատմության ընթացքում առաջին անգամ Հայաստանի նախագահը պետական այցով մեկնեց Իտալիա: Այնտեղ Արմեն Սարգսյանը ոչ միայն հանդիպումներ ունեցավ Իտալիայի առաջին դեմքերի հետ, այլև մասնակցեց «Ավրորա» մարդասիրական մրցանակի շնորհման հանդիսավոր արարողությանը Վենետիկի Սուրբ Ղազար կղզում։
Շաբաթվա այս ու այլ հետաքրքիր իրադարձությունները՝ Sputnik Արմենիայի լուսանկարիչների աչքերով։