ԵՐԵՎԱՆ, 10 հոկտեմբերի - Sputnik. Հայաստանի վարչապետ Նիկոլ Փաշինյանը հոկտեմբերի 12-ին կհանդիպի ՌԴ նախագահ Վլադիմիր Պուտինի հետ։
ՌԻԱ Նովոստիի փոխանցմամբ՝ նույն օրը Հայաստանի գործադիրի ղեկավարը Կրեմլում հանդիպում կունենա Պետդումայի նոր գումարման պատգամավորների հետ:
Ավելի վաղ ՌԴ նախագահի մամուլի քարտուղար Դմիտրի Պեսկովը լրագրողներին հայտնել էր, որ Պուտինը հոկտեմբերի 12-ին Կրեմլում կհանդիպի VIII գումարման Պետդումայի պատգամավորների հետ:
«Նախագահը խորհրդարանի հետ կքննարկի, թե որ հարցերն են առաջնային երկրի համար։ Նույն օրը տեղի կունենա Պուտինի հանդիպումը Հայաստանի վարչապետ Փաշինյանի հետ», - տեղեկացնում է «Ռոսիա 1» հեռուստաալիքը։
Նշենք, որ ՀՀ վարչապետն ու ՌԴ նախագահը վերջին անգամ հանդիպել էին ապրիլին, երբ Փաշինյանը պաշտոնական այցով Մոսկվա էր մեկնել։