ԵՐԵՎԱՆ, 8 հոկտեմբերի - Sputnik. Նորվեգիայի մայրաքաղաք Օսլոյում ընթացող ըմբշամարտի աշխարհի առաջնությունում Հայաստանի հավաքականը նվաճեց առաջին ոսկե մեդալը։
Հունահռոմեական ոճի ըմբիշ Մալխաս Ամոյանը 72 կգ քաշային կարգի եզրափակիչում 3։1 հաշվով հաղթանակի հասավ ռուսաստանցի Սերգեյ Կուտուզովի նկատմամբ։
Մալխաս Ամոյանը իր ոսկե ճանապարհը հարթել սկսեց 1/8 եզրափակիչից, որում 8։0 հաշվով առավելության հասավ նորվեգացի Հաավարդ Յորգենսենի նկատմամբ։ Քառորդ եզրափակիչում Ամոյանի գրոհներին չդիմացավ լիտվացի Կրիստուպաս Սլեիվան՝ 5։0։
Կիսաեզրափակիչում հանրահայտ ըմբիշ Ռոման Ամոյանը, որը իր զարմիկի մարտավկան էր շատ արդունավետ գոտեմարտի ականատեսը դարձավ Մալխասի մասնակցությամբ։ Մեր ըմբիշը 10։6 հաշվով պարտության մատնեց իրանցի Մոհամադ Մոխտարիին։
Հայ ըմբիշներից Նորայր Հախոյանը ասյօր բրոզնե մեդալի համար գոտեմարտում պարտվել է վրացի Նուգզարի Ցուրցումիային, իսկ գերծանր քաշային Դավիթ Օվասափյանը իրավունք է վաստակել սփոփիչ գոտեմարտ անցկացնելու։
Հայաստանի հավաքականի կազմում վաղը գորգ են դուրս գալու 63 կգ քաշային Հրաչյա Պողոսյանը, որի մրցակիցը առաջին գոտեմարտում լինելու է նորվեգացի Ստիգ Անդրե Բերգեն, և 67կգ քաշային Սլավիկ Գալստյանը, որի մրցակիցն է լինելու Ֆրանսիան ներկայացնող Մամադասա Սիլյան։