ԵՐԵՎԱՆ, 8 հոկտեմբերի – Sputnik. Աֆղանական Anna News գործակալությունը Twitter-ի իր էջում հրապարակել է Աֆղանստանի Կունդուզ նահանգում գտնվող մզկիթում տեղի ունեցած պայթյունի հետևանքների տեսանյութը:
Կադրերում երևում են փլատակներն ու արյունոտ մարմինները, որոնք ծածկված են սավաններով:
Ավելի վաղ հայտնի էր դարձել, որ պայթյունը տեղի է ունեցել աղոթքի ժամանակ։ Տարբեր տվյալներով՝ զոհվել է 30-ից մինչև 100 մարդ, սակայն հստակ տեղեկություններ դեռևս չկան:
Նշենք, որ վերջին մի քանի օրվա ընթացքում անհայտ անձինք մի շարք պայթյուններ են կազմակերպել ամբողջ Աֆղանստանում։ Հոկտեմբերի սկզբին հարվածի տակ էին հայտնվել Աֆղանստանի Հոստ նահանգի մեդրեսեն (կրոնական դպրոց) և Քաբուլի Իդգահ մզկիթը: