ԵՐԵՎԱՆ, 6 հոկտեմբերի – Sptunik. Իտալիան կոչ է անում Հայաստանին և Ադրբեջանին ճիշտ երկխոսություն վարել Ղարաբաղյան հակամարտության լուծման համար, որը կնպաստի տարածաշրջանի զարգացմանը: Այս մասին ասել է Իտալիայի նախագահ Սերջո Մատարելլան իր հայ գործընկեր Արմեն Սարգսյանի հետ Հռոմում կայացած մամուլի ասուլիսի ժամանակ:
«Մենք խոսել ենք Ղարաբաղյան հակամարտության կայուն և երկարաժամկետ լուծման մասին և հաստատել, որ ԵԱՀԿ Մինսկի խմբի համանախագահությունն այն ձևաչափն է, որտեղ կարելի է գտնել հակամարտության կայուն և խիստ լուծում»:
Մատարելլան ցավակցություն է հայտնել մարտական գործողությունների ընթացքում բոլոր զոհվածների հարազատներին:
Հիշեցնենք` ՀՀ նախագահ Արմեն Սարգսյանը Իտալիայի նախագահ Սերջո Մատարելլայի հրավերով հոկտեմբերի 5-ին պետական այցով ժամանել է Հռոմ։