ԵՐԵՎԱՆ, 6 հոկտեմբերի – Sputnik. ՀՀ արդարադատության նախարարության «Արմավիր» քրեակատարողական հիմնարկի ծառայողները երեկ` հոկտեմբերի 5-ին, զննության են ենթարկել կալանավորված Ա. Կ.-ի անվամբ որպես հանձնուք բերված սառնարանը և բջջային հեռախոսներ, լարեր ու քարտեր հայտնաբերել թաքստոցում: Տեղեկությունը հայտնում է նախարարության քրեակատարողական ծառայությունը։
«Զննության արդյունքում սառցախցիկի վերին հատվածում պատրաստված թաքստոցից հայտնաբերվել են 10 բջջային հեռախոս, բջջային հեռախոսի 4 լիցքավորման լար և 3 բաժանորդային քարտ»,– նշված է հաղորդագրության մեջ:
Սառնարանը ՔԿՀ է տարել քաղաքացի Գ. Պ.-ն։ Փաստի առթիվ նախապատրաստվում են նյութեր: