ԵՐԵՎԱՆ, 4 հոկտեմբերի – Sputnik. Տարածաշրջանում կոմունիկցիաների բացման հարցում շտապում են թե՛ Հայաստանը, թե՛ Ադրբեջանը, թե՛ Թուրքիան։ Նման դիտարկում այսօր կայացած մամուլի ասուլիսում արեց ՀՀ երկրորդ նախագահ Ռոբերտ Քոչարյանը` հավելելով, որ շտապելու համար յույրաքանչյուրն ունի իր պատճառը։
«Ադրբեջանը շապում է, քանի որ խոսքը գնում է միջանցքի մասին` Մեղրիով, Զանգեզուրով (իրենց տերմինոլոգիայով, մեզ համար` Սյունքիով), քանի տաք է, հասնել նպատակին, քանի որ եթե մի հարց մի քիչ հնանում է, ավելի դժվար է լինում նպատակին հասնել,– ասաց Քոչարյանը, – հայկական կողմն էլ շտապում է, որովհետև պամպերսային իրավիճակում է գտնվում` վախերը շատ են, մտածում է, որ կարող է մի ավելի վատ բան պատահել։ Բանակ չունես, անվտանգության համակարգդ քայքայված է»։
Հիշեցնենք, որ ադրբեջանական իշխանությունները մշտապես խոսում են, այսպես կոչված, «Զանգեզուրի միջանցքի» մասին։
Ադրբեջանի նախագահը նույնիսկ սպառնացել է, որ եթե Հայաստանը միջանցք չտրամադրի, ապա իրենք պատրաստ են այն ուժով վերցնել։
Սակայն ինչպես վարչապետ Նիկոլ Փաշինյանը, այնպես էլ ԱԽ քարտուղար Արմեն Գրիգորյանը քանիցս հայտարարել են` ապաշրջափակումը տարածաշրջանում չի ենթադրում ինչ-որ միջանցքի ստեղծում։