ԵՐԵՎԱՆ, 2 հոկտեմբերի – Sputnik. Հայտնի բժիշկ և հեռուստահաղորդավար Ալեքսանդր Մյասնիկովը միֆ է անվանել երիտասարդության պահպանման բաղադրատոմսը, որը խորհուրդ է տվել երգչուհի Մաշա Ռասպուտինան՝ քաղցած ժամանակ վեց բաժակ տաք ջուր՝ ջրածնի պեօրքսիդով։ Բժիշկն այդ մասին խոսել է «Смотрим» առցանց հարթակի եթերում։
Մյասնիկովն ընդգծել է, որ այդպիսի բաղադրատոմսը ոչ միայն օգուտ չի տալիս, այլև չափաբաժինը գերազանցելու դեպքում կարող է վնաս հասցնել առողջությանը։
«Եթե լավ խտության ջրածնի պերօքսիդ կուլ տաք, կարող են խնդիրներ ի հայտ գալ։ Իրականում դա հիմարություն է»,-ասել է բժիշկը։
Երիտասարդությունը պահպանելու ամենաճիշտ ճանապարհը սպորտով զբաղվելն է, վնասակար սովորություններից հրաժարվելը, ինչպես նաև սննդի հարցում չափավորություն պահպանելը։