ԵՐԵՎԱՆ, 1 հոկտեմբերի – Sputnik. Սեպտեմբերի 30-ին տեղի է ունեցել ԱԺ «Հայաստան» խմբակցության պատգամավորների, փորձագետների, օգնականների հանդիպումը «Հայաստան» դաշինքի ղեկավար Ռոբերտ Քոչարյանի հետ: Տեղեկությունը հայտնում է դաշինքի մամուլի ծառայությունը։
«Քննարկվել են երկրում ստեղծված իրավիճակը, հնարավոր զարգացումները և դաշինքի առկա ու հետագա մարտավարությունը»,– նշված է հաղորդագրության մեջ:
Անդրադարձ է կատարվել նաև խմբակցության երկամսյա գործունեությանը, հաստատվել է հետագա ռազմավարությունը։
Հիշեցնենք, որ «Հայաստան» ընդդիմադիր խմբակցությունը 8-րդ գումարման խորհրդարանում 29 մանդատ ունի։ ԱԺ փոխնախագահ, խմբակցության անդամ Իշխան Սաղաթելյանն ավելի վաղ չէր բացառել փողոցային բողոքի ակցիաների վերսկսումը: