ԵՐԵՎԱՆ, 30 սեպտեմբերի - Sputnik. Կորոնավիրուսային համավարակի պատճառով Ռուսաստանում ներդրված օտարերկրյա քաղաքացիների աջակցության ծրագիրը ավարտվում է սեպտեմբերի 30 -ին:
Ռուսաստանի Դաշնության տարածքում ապօրինի գտնվող միգրանտները պետք է այցելեն ներքին գործերի նախարարության միգրացիոն ստորաբաժանումներ և գրանցվեն: Այդ մասին լրագրողներին հայտնել է ներքին գործերի նախարարության միգրացիայի հարցերով գլխավոր վարչության պետ, գեներալ -լեյտենանտ Վալենտինա Կազակովան:
«Ռուսաստանում ընդհանուր առմամբ կա յոթ միլիոն օտարերկրացի: Նրանց շարքերում փոքր թվով անօրինական մնացողներ կան», - ասաց Կազակովան:
Հոկտեմբերի մեկից երկրում անօրինական միգրանտների հանդեպ կկիրառվեն 115-րդ դաշնային օրենքի նորմերը, որոնք թույլ են տալիս ոստիկաններին վարչական միջոցներ ձեռնարկել ՝ ներառյալ օտարերկրացիների հեռացումը Ռուսաստանից։