ԵՐԵՎԱՆ, 29 սեպտեմբերի – Sputnik. Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ Սոչիում կայացած երկխոսությունն արդյունավետ է համարում։
«Իմ գործընկեր Պուտինի հետ արդյունավետ հանդիպումից հետո մենք վերադառնում ենք Սոչիից»,–գրել է Էրդողանն իր տելեգրամյան ալիքում։
ՌԴ նախագահն ավելի վաղ հայտնել էր, որ երկու երկրների հարաբերությունները դրականորեն զարգանում են։ Երկու երկրների ղեկավարների հանդիպումը տևել է 2 ժամ 45 րոպե։ Ի դեպ, հանդիպումը փակ էր լրատվամիջոցների համար։
Սա Պուտինի առաջին հրապարակային դեմառդեմ հանդիպումն էր նրա ինքնամեկուսացումից հետո։