ԵՐԵՎԱՆ, 28 սեպտեմբերի - Sputnik. Հայտնի հումորիստ և պրոդյուսեր Գարիկ Մարտիրոսյանը խոսել է Ռուսաստանում կատակի համար հետապնդվող երիտասարդ կատակերգուների մասին: Իրինա Շիխմանի հետ զրույցում նա «մոլագար» և «սրիկա» է անվանել նրանց:
«Ես ուզում էի թքել բոլոր կատակերգուների վրա, ես համերաշխություն չունեմ: Նրանց թվում կան շիզոֆրենիկներ, մոլագարներ, թմրամոլներ, ի՞նչ համերաշխություն: Կան լավ հումորիստներ, օրինակելի հայրեր, ես նրանց սիրում եմ, բայց ես երբեք պատասխանատվություն չեմ կրելու նրանց համար: Եթե ինչ -որ մեկը իրեն վատ է պահում, թող պատասխանատվություն կրի: Չկա կատակերգուների համայնք, որի համար ես պետք է պատասխանատվություն կրեմ», - ասել է պրոդյուսերը։
Ամիսներ առաջ Ռուսաստանում սթենդ-ափ կոմիկ, ազգությամբ թալիշ Իդրակ Միրզալիզադեն տասնօրյա կալանքի էր դատապարտվել ռուսների մասին կատակի համար։ Շատ հայտնի հումորիստներ աջակցել էին Իդրակին «Идрак - не враг» (Իդրակը թշնամի չէ) ֆլեշմոբով։ Բայց Մարտիրոսյանը նրանց չէր միացել։
Հումորիստի կարծիքով` շատ երիտասարդներ չեն կարողանում հասկանալ, թե որտեղ է ավարտվում հումորը և որտեղ սկսվում վիրավորանքը։
«Երբ երիտասարդ ես, չես հասկանում քայլերիդ հետևանքները, հիմար ես, փորձ չունես: Կարծում ես, որ կարող ես ասել այն, ինչ ուզում ես», - ասել է շոումենը:
Իսկ 47 տարեկանում, նրա կարծիքով, միայն «ապուշը» կարող է համարձակ կատակերգու լինել: