ԵՐԵՎԱՆ, 28 սեպտեմբերի - Sputnik. Աշխարհի 100 լավագույն քաղաքների վարկանիշում Մոսկվան չորրորդն է, հայտնում է ՌԻԱ Նովոստին` հղում անելով Մոսկվայի քաղաքապետի պաշտոնական կայքին։
«Մենք վերահաստատեցինք մեր առաջատար դիրքերը՝ առաջ անցնելով ուժեղ մրցակիցներից, մասնավորապես՝ Տոկիոյից, Դուբայից, Սինգապուրից, Բարսելոնայից և Լոս Անջելեսից», - ասել է Մոսկվայի փոխքաղաքապետ Նատալյա Սերգունինան։
Միջազգային փորձագետները գնահատել են քաղաքների տնտեսական հնարավորությունները, մշակութային միջավայրը, զբոսաշրջային գրավչությունը, կյանքի, աշխատանքի և բիզնեսի հարմարավետությունը։
Առաջին տեղը զբաղեցրել է Լոնդոնը, երկրորդը՝ Փարիզը, երրորդը՝ Նյու Յորքը: