ԵՐԵՎԱՆ, 26 սեպտեմբերի – Sputnik. Բժիշկ-դիետոլոգ, բժշկական գիտությունների դոկտոր Միխայիլ Գինզբուրգը «Ռոսիա 1» հեռուստաալիքի «Ամենակարևորի մասին» («О самом главном») հաղորդման շրջանակում ասել է, թե մթերքի որ տեսակներն են մեղմում գլխացավը:
Գինզբուրգի խոսքով՝ միգրենանման գլխացավից կարելի է ազատվել կծու պղպեղի միջոցով։
Դա պայմանավորված է ցավի ընկալիչների ակտիվության աճի հետ։
«Այսինքն` դրանց ակտիվությունը մի հատվածում բարձրանում է, և արդյունքում մարդը դադարում է ցավ զգալ մեկ այլ հատվածում», — բացատրել է բժիշկ-դիետոլոգը:
Բժիշկ Սերգեյ Ագապկինն էլ հավելել է, որ նման սնունդը սովորաբար օգնում է ծոծրակային միգրենի կամ եռյակ նյարդի նևրալգիայի դեպքում։ Նրա խոսքով` նման ցավերից դժվար է ազատվել դասական ցավազրկողների միջոցով, իսկ սուր համ ունեցող պղպեղը, սխտորը և կոճապղպեղը հեշտությամբ են հաղթահարում այդ խնդիրը: