Ռուսաստանցիները նախընտրում են հանգստի թավշյա շրջանում Հայաստան այցելել

ԵՐԵՎԱՆ, 25 սեպտեմբերի - Sputnik. Թավշյա սեզոնին Հայաստանը դարձել է ռուսաստանցիների ամենահայտնի արտագնա ուղղություններից մեկը։ Տեղեկությունը հայտնում է Tutu.ru -ն։

Բացի Հայաստանից, այս շրջանում ռուսաստանցիների նախընտրած ուղղությունների թվում են նաև Ուզբեկստանը, Ղրղզստանն ու Թուրքիան։

Նշված երկրներից բացի, ճանապարհորդների շրջանում մեծ պահանջարկ վայելող երկրների «թոփ 20»-ում են հայտնվել Հունաստանը, Կիպրոսը, Արաբական Միացյալ Էմիրությունները, Իտալիան, Եգիպտոսը և Մոնտենեգրոն:

Նշվում է, որ Ռուսաստանից դեպի արտերկիր ավիատոմսերի ամրագրումների թիվն աճել է 13 տոկոսով: