ԵՐԵՎԱՆ, 23 սեպտեմբերի – Sputnik. Այսօր Հայաստանի առանձին շրջաններում սպասվում է անձրև և ամպրոպ: Տեղեկությունը հայտնում է ՀՀ արտակարգ իրավիճակների նախարարությունը։
«Ամպրոպի ժամանակ սպասվում է քամու ուժգնացում՝ 15-20 մ/վ արագությամբ: Օդի ջերմաստիճանը 23-24-ն աստիճանաբար կնվազի 7-10 աստիճանով»,– նշված է հաղորդագրության մեջ:
Ըստ ԱԻՆ–ի հրապարակած աղյուսակի` սեպտեմբերի 24-ին Կոտայքում, Գեղարքունիքում, Արագածոտնում և Վայոց Ձորում ցերեկային ժամերին ջերմաստիճանը կտատանվի +10-ից +15-ի սահմանում։
Սեպտեմբերի 23-ի երեկոյան ժամերին Երևանի առանձին հատվածներում սպասվում է անձրև և ամպրոպ, ամպրոպի ժամանակ` քամու ուժգնացում` 15-20 մ/վ արագությամբ:
Այսօր ցերեկը մայրաքաղաքում կգրանցվի 26-28, իսկ գիշերը` 12-14 աստիճան տաքություն։