ԵՐԵՎԱՆ, 23 սեպտեմբերի – Sputnik. Վալերի Մելաձեի դուստրը՝ Արինան, տատիկի՝ Նելլի Մելաձեի ծննդյան հանդիսությունից մի քանի կադր է հրապարակել Instagram–ում։
Հանրաճանաչ երաժիշտներն իրենց մայրիկի համար գեղեցիկ տոնակատարություն են կազմակերպել շքեղ ռեստորանում։ Կարճ տեսանյութում երևում է, թե ինչպես է աստղային եղբայրների մայրիկը, երեխաներով և թոռներով շրջապատված, փչում տոնական տորթի մոմերը։
«Տատիկը 87 տարեկան է, նա 59 տարի ամուսնացած է»,-տեսագրությանը կից գրել է Արինան։
Սակայն երկրպագուներին շփոթեցրել է այն հանգամանքը, որ տոնին ներկա չեն եղել հոբելյարի հարսները՝ Ալբինա Ջանաբաևան և Վերա Բրեժնևան։
Օգտատերերից շատերը ենթադրել են, որ երգչուհիներին պարզապես չեն կանչել միջոցառմանը։
Ամեն դեպքում գաղտնիք չէ, որ Վալերի Մելաձեի երեխաները չեն շփվում Ալբինա Ջանաբաևայի հետ։ Դուստրերը այդպես էլ չեն կարողացել հաշտվել այն փաստի հետ, որ հայրը տարիներ շարունակ դավաճանել է իրենց մորը՝ Իրինա Մելաձեին (Մալուխինա), հետո էլ լքել է նրան։
Ինչ վերաբերում է Վերա Բրեժնևային ու Կոնստանտին Մելաձեին, նրանք որևէ կերպ չեն մեկնաբանում ընտանեկան հարաբերությունները, ուստի երկրպագուներին մնում է միայն գուշակել, թե ինչպես են Կոնստանտինի ընտանիքի անդամները վերաբերվում փոփ-երգչուհուն։