ԵՐԵՎԱՆ, 22 սեպտեմբերի – Sputnik. Հայաստան-Իրան տնտեսական հարաբերությունների ներկա վիճակի հարցը քննարկել են Իրան-Հայաստան առևտրի պալատի նախագահը, խորհրդի անդամներն ու Իրանում ՀՀ դեսպանը, տեղեկանում ենք Իրանում ՀՀ դեսպանության ֆեյսբուքյան էջից։
Նշվում է, որ այսօր Իրան-Հայաստան առևտրի պալատի նախագահ Հերվիկ Յարիջանյանը և խորհրդի անդամներն այցելել են Իրանում ՀՀ դեսպանություն։ Նրանք դեսպան Արտաշես Թումանյանին, դեսպանության անձնակազմին շնորհավորել են ՀՀ անկախության 30-ամյակի կապակցությամբ։
Հանդիպման մասնակիցներն անդրադարձել են Հայաստան-Իրան տնտեսական հարաբերություններում առաջիկայում սպասվող զարգացումներին։
Հիշեցնենք, որ երեկ ՀՀ Անկախության 30-ամյակի կապակցությամբ Իրանի նախագահ Սեյեդ Իբրահիմ Ռաիսին շնորհավորական ուղերձներ էր հղել ինչպես վարչապետ Նիկոլ Փաշինյանին, այնպես էլ նախագահ Արմեն Սարգսյանին։